Apirilaren 26an 3.mailako ikasleek “Enraíza Derechos” gobernuz kanpoko
erakundeko Yolanda Garcíaren bisita izan zuten. Enraiza Derechos erakundetik pertsona
guztientzako elikadura nahikoa, osasungarria, jasangarria eta bidezkoa izateko
eskubidea sustatzen dute. Afrikako eta Hegoameriketako hainbat herrialdetan
egiten dute lan, hala nola, Perun, Bolibian, Senegal eta Mozambiquen. Gainera,
gure lurraldean sentsibilizazioa eta Hezkuntza Eraldatzailea sustatzeko hitzaldiak
eta tailerrak ematen dituzte. Garapenerako proiektuen alde egiten dute, bakoitzaren gizaki eta
herri nortasuna errespetatuz eta giza eskubideak eta genero-berdintasuna bermatuz.
Aipatutako tailer horietako bat egin dute 3.mailako ikasleek: Hondakinik
gabeko ikastetxeak tailerra hain zuzen ere. Tailer honen bitartez
elikagai-hondakinaren arazo handia eta planetaren kontserbaziorako ekoizpen-
eta kontsumo-jarraibide iraunkorrak hartzeko beharra ezagutarazi dizkiete.
Haurrak eta gazteak sentsibilizatzea ezinbestekoa da iraunkortasunarekin eta
justiziarekin konprometitutako herritartasuna lortu nahi badugu.
Bingora jolastuz elikagaiak alferrik ez galtzearen garrantzia ikasi zuten,
bai eta galera hori ahalik eta txikiena izateko hainbat baliabide ere. Animatu
zaitezte zuek ere elikagai galeraren inguruko hausnarketa egitera eta bat egin
ekimenarekin eta kendu kiloak zakarrontziari!
iruzkinik ez:
Argitaratu iruzkina